Inuit amerlanerit angukkit, suliffeqarfiit ilisimaneqarnerulertiguk inuttullu ineriartorit

Q's effect / Q’s Greenland

Q’s Greenland suleqatigalugu

1.000.000-it sinnerlugit nunarsuaq tamakkerlugu malinnaasoqarnera atorluarlugu periarfissaqarpugut anguneqanngisaannakkat angussallugit. Pissanganartunik videonik sanaqatigiissinnaavugut, nunarsuarmioqatigut attaveqarfigisimanngisat attaveqarfigilersinnaavagut, suleqatigiinnissamut periarfissat nutaat pinngorsinnaapput, oqaluttuassarput misilittakagullu siammartersinnaavagut allallu anguniagatsinnut angalanitsinni ilanngunnissaannut soqutiginnilersissinnaavagut.

Suleqatigiinnitsinni iluaqutissat

Videomik viral-ernissamik periarfissaq (1.000.000 sinnerlugit takuneqarluni)
Tatigineqarneq upperineqarnerlu annertusineqarnerat
Suliassaqarnerulerneq soqutigineqarnerup annertusineranik
Inuiaqatigiit nutaat allat angunissaanut periarfissaqarneq
Asseqanngitsumik nutaaliortumillu nittarsaassinermik ingerlatsineq
Aningaasartungaatsianngikkaluarluni nittarsaassinissamik pilersaarusiorneq
Suliffeqarfissi brand-itut upperineqarnera, atorumaneqarnera aammalu tapersersorneqarnera annertusillugu

Qanoq suleqatigiissinnaanersugut

Q’s Greenland suleqatigalugu Q’s Greenlandikkut peqataalluni nittarsaanneqarneq ugguuna: Facebook, Instagram, TikTok, YouTube aamma Threads
Ilissi inoqatinut attaveqaatisi (social mediasi) atorlugit uanga saqqummeqataanera
Uanga ilissi videorarsi sanasinnaavara nammineq saqqumminngikkaluarlunga
Inoqatinut attaveqaatisi pitsanngorsarneqarnissaannut ikiuineq
Suleqatigiinnissamut periarfissat akillu paaserusukkussigit attavigiinnassavassinga

Social Media pillugit pikkorissarneq

Inoqatinut attaveqaatitigut (social mediakkut) saqquminerit pitsanngorsaruk Social Media pillugu pikkorissaqataanikkut. Suliffeqarfissuartut imaluunniit inuttut ataasiakkaatut social mediat saqquminerulertikkusukkukku aallaqqaataanit ikiorsinnaavakkit alloriarnermiit alloriarnermut siunnersoqqissaarlutit. Pissanganartunik videoaraliortarneq ilikkaruk malinnaasutillu/isiginnaartartutillu amerlassarlugit. Pikkorissarnermiit naammassissaatit social mediami videoaraliortarnerup silarsuaani piginnaasaqalersimallutit sakkussallu pisariaqartitatit pigilersimallugit.

Pikkorissarnermi suut ilaappat?

Sunaana isiginnaartartut takorusuttaraat massakkullu suut soqutigineqarnerpaanersut
Inuiaqatigiit iluanni kikkut angorusuppigit?
Inoqatinut attaveqaatit sorliit atortassavagut?
Reels? YouTube shorts? Naliginnaasumik ikkussisarneq? Sorliit attussappat?
Sooruna sekundit siulliit pingasut pingaarnerpaarpaasut?
Takunnittartut aammalu malinnaasut qanoq amerlassarneqarsinnaappat?
Ataani allagartalersortarnissaa pisariaqarpa?
# aamma @ qanoq isumaqarpat qaqugukkullu atugassaappat?
Sooruna tunuani nipilersuutitaqartartoq?
Isiginnaartartut attaveqaqatigisarneri aammalu allagaqartut akisarnissai imaluunniit piiartarnissai (allakkat nunannersut nuanniitsullu)
Mikrofoneqarnissaq pisariaqarpa?
Video sumut sammissava qanorlu angitigissava? 1:1, 4:5, 9:16, 16:9?
Filmiliutip saavaniissinnaanermik sungiusarneq
Videomik killuisinnaanermik sungiusarneq, qalipaatit pitsanngorsarlugit, nipilersuutitalersorlugu, allagartalersorlugu, logolerlugu allallu ilanngullugit
Allarpassuillu illit suliffeqarfinnut iluaqutaasinnaasut

Pikkorissaqataanermi aki

Naliginnaasumik pikkorissaqataaneq 3995,00 kr.-mik akeqarpoq, najuulluni peqataaneq imaluunniit onlinekkut peqataaneq
Immikkut isumaqatigiissusiorsinnaasarpunga suliffeqarfimmit ataatsimiit sulisut pingasuniit amerlanerusut peqataagaangata
Immikkut isumaqatigiissusiortarpunga suliffeqarfiit pikkorissaraangakkit aalajangersimasumik pisariaqartitaat malillugit

Pikkorissaanissamut ullut

27.-28. maj 2024 Nuummi, Hotel Nordbo konferencelokale. Nal. 08:30-12:30 ulluni taakkunani marlunni.
Onlinekkut pikkorissarnissap tullia suli ullussai inissinngillat. Suminngaanniilluunniit peqataasinnaavutit taamaallaat internetikkut attaveqarnissat, computereqarnissat aammalu mobileqarnissat pisariaqarpoq

Ataatsimeersuarnerni aqutsisoq

Ataatsimeersuarnerni angisuuni mikisunilu aqutsisutut (konferencieritut) misilittagaqarluarpunga kalaallisut, qallunaatut tuluttullu. Uanga atutsisuutinnikkut ataatsimeersuarnerup pissanganartuunissaa qulakkeeruk! Uanga isumagissaqqaarpara peqataasut tunniussaqarluarlutik peqataanissaat pissarsilluarsimasutullu misigalutik naammassinissaat.

Neqoroorutigisinnaavakka makku

Ataatsimeersuarnerni aqutsisuuneq kalaallisut, qallunaatut tuluttullu
Ataatsimiinerni aqutsisuuneq
Onlinekkut ataatsimiinnerni aqutsisuuneq
Ataatsimeersuarneq / ataatsimiinneq ilissi pisariaqartitasi malillugit aqqissuussaq
Ullup aaqqissuunneqarnissaanut ikiuineq qanorlu iliornikkut peqataasut pissarsinerpaasinnaannerannut siunnersuineq

Attaveqaqatigiinneq

Suliffissinni suleqatigiinnersi ilaanni unammillernartarpa? Naalakkavit attaveqaqatiginiarnera ilungersunartarpa? Taamaasimappat suleqatigiinnersi attaveqaqatigiinnersilu pitsanngorsarniarlugu peqatigisinnaavassi sakkussassinnillu tuniorarlusi. Taassumap saniatigut nunarsuarmi allanik kulturillit pillugit suleqatiginissaannut ukiorpassuarni misilittagaqarpunga atuartitsissutiginikuullugillu.

Neqoroorutigisinnaavakka makku

Team buildingertitsineq suleqatigiinnut imaluunniit eqimattanut allanut
Suleqatigiit attaveqaqatigiilluarnerulernissaannut ulluinnarni suliffeqarfimmi ilungersunartorsiutaasartut aallaavigalugit piusaartitsilluni sungiusarnerit tassungalu sakkussat.
Nunarsuarmi allanik kulturillit attaveqaqatigilluarnerulersinnaannissaannut pikkorissarneq aammalu kulturit allat pillugit ilisimasaqarnerulerneq

Coaching

Inuuninni unammillernartoqarpa anigorusutannik? Imaluunniit inuttut ineriartornissannut kaammattuisinnaasumik amigaateqarpit? Taava coachersinnaavakkit. Coachitut naammassinikuuvunga 2023-mi ataasiakkaanullu inuttut ineriartornartumik coacherisarlunga.

Neqoroorutigisinnaavakka makku

Coaching tassaavoq inuuninni siuariartornissannut ikiuutaalluarsinnaasoq suliffinnut anuniakkannut tunngasinnaavoq, inoqatinnut attaveqarninnut tunngasinnaavoq, timersornerulerusunninnut tunngasinnaavoq allarpassuarnullu. Coancherinerup anguniagarivaa illit anguniakkatit suuneri paasisallugit pilersaarusiornerlu qanoq takku anguniassanerlugit.
Ikiorumaarpakkit suut unittuussutigisarneritit paasiniarnissaanut sakkussannillu tunillutit siuariartorsinnaalerniassagavit
Illit pisariaqartitatit aallaavigalugit coachingippit ingerlannissaanut pilersaarusiorneq
Siornatigut pisimasut aallaavigalugit sooq taamak pissusilersortarnersutit paasineratigut inuttut ineriartorneq

Aatsitassalerineq / Aatsitassanik ujaasineq

Nunatsinni siullerpaallunga kisiartaallungalu aatsitassalerinermik ingeniøritut ilinniarsimanera, siornatigut Aatsitassanik Aqutsisoqarfimmi Immikkoortortaqarfimmi aqutsisutut sulisimanera aammalu siornatigut Ironbark Zinc Limitedimi nunatsini aqutsisuunera tunuliaqutigalugit aatsitassarsiornerup silarsuaani nunatsinni ilisimasaqarluarpunga (aatsitassarsiorneq aatsitassanillu ujaasineq)